रंगुनी रंगात सार्या रंग माझा वेगळा !
गुंतुनी गुंत्यात सार्या पाय माझा मोकळा !!
कोण जाणे कोठुनी ह्या सावल्या आल्या पुढे !
मी असा की लागती ह्या सावल्यांच्याही झळा !!
राहती माझ्यासवे ही आसवे गीतांपरी !
हे कशाचे दुःख ज्याला लागला माझा लळा !!
कोणत्या काळी कळेना मी जगाया लागलो !
अन् कुठे आयुष्य गेले कापुनी माझा गळा !!
सांगती तात्पर्य माझे सारख्या खोट्या दिशा !
"चालणारा पांगळा अन् पाहणारा आंधळा !!
माणसांच्या मध्यरात्री हिंडणारा सूर्य मी !
माझियासाठी न माझा पेटण्याचा सोहळा !!
09 March, 2011
Subscribe to:
Post Comments (Atom)
No comments:
Post a Comment